३५ वेग / श्रीधर तिळवे 

निसर्गाने प्राण पुरवला 

विश्वाने उर्जा 

सृष्टीने मटेरीअल दिले 

प्रतिसृष्टीने structure 

आता चिन्ह्सृष्टी घेऊन येतीये 

चिन्हवेग आणि चिन्हगति 

जो फास्ट तो फस्ट 

जो स्लो तो लास्ट 

आता फक्त वेगायचे 

वेगात बसून धावायचे 

वेग देत धावायचे 

वेगायचे 

माझ्यात वेगाचा ब्लास्ट झालाय 

आणि माझे सर्वच तुकडे फक्त वेगतायत 

मृत्यू येईल

 तेव्हाच एकसंध होतील 

तोवर आहेतच 

वेगाची आवेगी निशाचरे 

आणि काळजात तीव्रतेची बिअर !

श्रीधर तिळवे -नाईक 

(क व्ही  २ ह्या  काव्यफाइलीतून )