४६ श्रीधर / श्रीधर तिळवे 

Transcending digital 

Transcending fleshal 

Here I  am 

A digifleshal guy 

सर्वत्र  माझा पाय 

बूटेबल 

हार्मोनिअसली  फंक्शनल 

श्रीधर  तिळवे नाईक 

(क. व्ही . २  ह्या  काव्य फायलीतून )

४४ डायनोसोर श्रीधर तिळवे नाईक 

अर्धा  सांगाडा
अर्धा डिजिटल
प्रत्यक्ष जो मी पाहिलेलाच नाही
अवतरतोय
बीट बाय बीट

तो आरश्यात आहे कि नाही
कि मी आरश्यात आहे
कि आम्ही दोघेही महाआरश्यात आहोत ?

तो मला घाबरवतो
पण माझ्या आतील  घबराव
डिजिटल आहे

तो काल्पनिक झाडांच्या झुंडीतून मुसंडी मारत
माझ्या डोळ्यावर येतोय
आणि मी माझा डिलीटवरचा सायबरी हात
फिक्शनल बोटांनी रिअलाईज   करत
तोलतोय


हायपरसेन्सिटीविटीची  कपाटे उघडली जातायत
आणि त्यांच्या तील आरसे मेकप करत
माझ्या डोळ्यावर चालून आलेल्या त्यावर
माझ्या कलेक्टीव  BODIES क्लिक करतायत 

तो अर्थपूर्ण आहे कि नाही 
मला माहित नाही 
पण तो माझ्या इलाक्यात आहे 
हे निश्चित 

तो अंडी घालतोय 
आणि माझ्या बुबुळातील ऑम्लेट बनवणाऱ्या वर्च्युअल तव्याला 
हे निश्चित करता येत नाहीये कि 
हि अंडी डिजिटल कि रिअल ? 

अंडी फुटतायत BLACK  MATTER भर 
आणि मी पळून चाललोय 
हे निश्चित करण्यासाठी 
कि ही पिल्लं डिजिटल अंड्यांची रिअल निर्मिती आहे 
कि रिअल अंड्यांची डिजिटल 
कि  रिअलची  रिअल
कि डिजिटलची डिजिटल 

मी पळतोय 
आणि त्यांनी सुरु केलेला माझा पाठलाग 
माझ्या रिअल पाठीवर डिजिटली आदळतोय 
श्रीधर तिळवे नाईक 

( क . व्ही . २ ह्या अप्रकाशित कवितासंग्रहातून )

४३ अज्ञान श्रीधर तिळवे  नाईक 

च्यायला ही बॉडी 

वापरून वापरून डफ्फर 

हाडांच्या ढिगात 

बर्फ काय उपसत बसलायस ?

तू रक्त वाचू शकतोस 

पण सध्या पाणी आण 

तहानेची रीपीटिशन कितीकाळ 

हे नदीलाही माहित नाही 

(क . व्ही . २ ह्या काव्यफाइलीतून )

५१ वटवण श्रीधर तिळवे 

मी माझ्या आत्मचरित्राचे तुकडे मांडत चाललोय 

मात्र ते तुम्हाला जसे हवे आहेत तसे नाहीत 

जसे असायला हवे आहेत तसे आहेत 

तुम्हाला चिंता पडलीये त्यांच्या सत्य-असत्याची 

आणि मला चिंता 

ग्वाही देणाऱ्या काल्पनिक मनाला 

संपूर्ण कसे नाहीसे करता येईल ह्याची 

तुम्ही मला फ़ेकॉलजिचा मास्टर समजताय 

आणि माझा गुन्हा हाच 

कि मी कुणाचा शिष्य झालो नाही 

तुम्हाला पूज्य तुमचे इझम्स , धर्म , अजेंडे , त्यांचे प्रवर्तक 

आणि मला पूज्य म्हणजे शून्य कसे ते जाणायची उत्सुकता 

मी असा मूर्तीभंजक आहे 

ज्याने फक्त मूर्त्या नाही फोडल्या 

प्रेषित फोडले ईश्वर फोडले 

स्वतःच्या घरातील देव्हारे फोडले 

तुम्हाला हवा आहे तुमच्या वाकवळणाप्रमाणे सही करणारा कवी 

आणि मी अवघ्या जगाचा राजीनामा देवून 

मूळ सोर्स वटवत चाललोय . 

(क व्ही २ ह्या काव्यफायलीतून )

४२ पारंपारिक परिवर्तनवादी मित्रांसाठी एक कविता /श्रीधर तिळवे 

मी तुमच्या कुठल्याही आयडीऑंलॉंजीत बसणारा मनुष्यच न्हवे 

मी नवदर्शनातून जन्मलेला चिन्हपुरुष आहे 

जो वर्तमानाच्या भयप्रद वाळवण्टात कवितेची अध्यात्मिक शेती करतो आहे 

आणि इतिहासजमा होत चाललेल्या आपल्या आयुष्याच्या डफलीवर 

आपल्या ईररेग्युलर बोटांनी नवी गहनता वाजवतो आहे 

माझी MATRIX तुम्हाला अगम्य आहेत ह्यात माझा काय दोष ?

ही टेन डायमेन्शनल सुपरसिमेट्रीक SAND-BODY 

तुमच्यासाठी दुर्लभ - माझ्यासाठी सुलभ 

माझ्या तीव्र  संतापाचे फ्लोमॉडेल

 तुमच्यावर अनप्रेडीकटेबल बनून आदळते म्हणून 

मी माझ्या आवेगाचे CHANNEL थोडेच बंद करू ?

माझ्या त्वचेच्या बॉउंड्रीलेयर्स टरब्यूलेटिंग होत नाहीत म्हणून 

मी माझे साईटशोविंग थोडेच ऑफ करू ?

मी समकालीन वाऱ्याला माझ्या श्वासात सिम्युलेट करतो म्हणून 

तुम्ही एवढे जेलस का ?

कोसीनSQUARED फुफ्फुसाची टेकडी 

माझ्यात रोज नवे आकार धारण करते म्हणून 

तुमच्या आकलनार्थ 

मी PAUSE ची न्यूमेरिकल STABILITY धारण करावी 

हा अट्टाहास का ?

माझ्या glamour चा बेडफॉर्म 

तुमच्या टोपोग्राफीत बसणारा नाही 

माझ्या ऑराचे फ्लो कॉम्बीनेशन 

तुमच्या स्केलमॉडेलमध्ये सामावणारे नाही 

माझ्या परिवर्तनवादी मित्रांनो 

मी वादी नाही 

तर साक्षात परिवर्तन आहे 

तेव्हा तुमची ट्रान्सपोर्ट सिस्टीम मी उधार घेत नाही म्हणून 

मला दोष नका देवू 

मी तुमच्या कनक्लूजनला रिलायबल मॉडेल्स पुरवत नाही म्हणून 

मला कन्फुजनल शिव्या नका घालू 

मी सोल्यूशनेबल नाहीच 

माझी मिक्सिंगलेंग्थ 

अनंत पावलांनी येणाऱ्या जालयुगाचा वर्डफ़ोलिओ शूट करते आहे 

माझी रेफरन्स टचहाईट 

भाषेचा अझ्युम्ड रफनेस 

थोडा टची करते आहे 

तेव्हा व्हा थोडे टचेबल 

माझ्या बुटेबल पायात पाय ठेवून 

माझ्या सरफेसचा स्पीडप 

तुमच्याशी करन्सपॉन्ड करेल आणि तो थोडा सुधारेल 

माझी त्वचा तुमच्या काळजांना पिसून 

तुमच्या रक्ताला

थोडी डिफलेक्ट करेल मग रिफ्लेक्ट करेल 

तेव्हा बघताय काय 

सामील व्हा वाळवण्टात जन्माला आलेल्या 

ह्या वॉटरसुपरसिमेट्रीला 

अन्यथा 

गाफीलपणाचे डाऊनग्रेडीयन्तस 

वाटच पाहतायेत

 तुमच्या मोडीत चाललेल्या पावलांची 

जा त्यांना भंगारमध्ये विकून 

फेमस करणारे डाऊनपेमेंट घ्या 

आणि काळाच्या हॉटेलातून चेकऑऊट करा 

मी ड्रेनेज नेटवर्क माझ्या शेजारी ठेवूनच फिरतो आहे 

श्रीधर तिळवे -नाईक 

(क . व्ही . २  ह्या काव्यफायलीतून )

४१ आऊटडेटेड /श्रीधर तिळवे 

एकच नेटवर्क आहे 

सर्वांच्याबरोबर शेअर करत वाटचालतोय 

पृथ्वीपासून पळत नाहीये 

पृथ्वीमधून पृथ्वीभर उडतो आहे 

प्रतिमा पाठवतोय 

आणि  बायोकॉपिजही 

घनदाट शक्यतांचा पातळ माईन्डसेट 

आणि मेंदू install करणारा मॉसल डिझायनर 

पायाविना पसरतोय 

आणि कालच्या वाटचालीचा कचरा 

सकाळी उठल्याउठल्या आवरतोय 

आऊटडेटेड व्हायचे नाही 

पण आत्ताही ह्या क्षणी 

झालोय कि नाही 

खात्री नाही 

श्रीधर तिळवे -नाईक 

(क व्ही २ ह्या काव्यफाइलीतून )

४० मुक्ति /श्रीधर तिळवे -नाईक 

माझ्यात कितीही मी असतील 

माझा देह जोवर एक आहे 

तोवर एकसंध मी सत्य आहे 

मी माझा फायनल ड्राफ्ट नाही 

मी जनुकीय जालाचे केवळ उद्घाटन आहे 

हे दुकान कितीकाळ चालणार मला माहित नाही 

माझे इंटेरियर ' सुपरसिमेट्रीचे मूळ ' आहे 

मी त्या झाडाचा इक्वेलीब्रीयम आहे 

ज्याची स्पिरिच्युअल पॉंसिबिलीटी फळ आहे 

जे खाऊन मी ईश्वर बनवणार आहे 

ह्या रेसीपीचे मी फक्त मटेरियल आहे 

आणि तुम्ही मला विचारताय 

रियल म्हणजे काय 

ईश्वर तयार होतोय 

पण त्याला तुम्ही ओळखू शकणार नाही 

कारण तो मी नाहीये 

तो माझ्यापासून तयार होतोय 

श्रीधर तिळवे -नाईक 

(क व्ही २ ह्या काव्यफायलीतून )

३९  नीघ / श्रीधर तिळवे 

तू ते देतोयस
जे ह्या संस्कृतीला पचत नाहीये

तू ते कपडे घालतोयस
जे वाळवायला ह्या संस्कृतीला अंगणच नाहीये

तू एक अशी कोल्हापुरी चप्पल आहेस
जी कोल्हापूरला पचली नाही

तू एक असा मुंबईकर गमबूट आहेस
ज्याने इथला पावसाळा पचवला
पण जो इथल्या पाण्याला पचलाच नाही

तू ह्या संस्कृतीचे असे अजीर्ण आहे
जे पोटातून फेकताही येत नाही
आणि पोटात ठेवताही येत नाही

अशा सर्वांनाच नकोश्या झालेल्या लोकांच्यात
तू च्युतीयासारखा काय करतोयस श्रीधर

संस्कृती ही समाजाने मारलेली शेवटची थाप आहे
तरी तुझी ह्या संस्कृतीत अशी तुझी दैना करणारी घूटमळ का

कि तुझ्या अंगातला हा शेवटचा मळ आहे ?

निघ बाबा
झाला तेवढा सिनेमा खूप झाला

चुकून सिनेमास्कोप दिसलास तर तुझ्या शरीराच थीअ टर फोडतील

नीघ !

श्रीधर तिळवे -नाईक
(क व्ही २ ह्या काव्य फायलीतून )

३८ वाऱ्यावरती विरून गेलेल्या विराण्या /श्रीधर तिळवे 

वाऱ्यावरती विरून गेलेल्या विराण्या

बासरी डिजिटल
कॅसिओत अंग जप्त झाले तरी श्वास फुन्कणारी

कॉम्पुटरमध्ये यैसपैस म्हस आणि रेडा

जंगल मे मंगल और डिजिटलमे दंगल

त्वचा सोलून दिली तर देताना स्क्रीन झाली

गंगेत घोडं न्हायील म्हणे तोवर गंगा बिस्लरीत पळालेली

VIRTUAL होता आलं नाही
विज्युअल होता आलं नाही
झालो काय तर विजुअलच्या पल्याडच्या ढगाला हात लावणारा कवी

रसिक पण असे कि कवितेतही चित्रपट आणि टीव्ही मालिका शोधणारे

दोस्त तर महानालायक
माझी मुळे खाऊन जागतिक फळे खाणारे

आता ह्या शिल्लक असलेल्या एकांताच्या मैदानावर
 विकेट उडायची वाट बघतोय तर
मृत्यू बॉल न टाकता
नेट PRACTICE साठी यमाकडे चाललेला

त्याला बहुधा कळून चुकलय
साध्या पाशाने काम होणार नाही
संपूर्ण नेटवर्क आवळावे  लागेल .

श्रीधर तिळवे -नाईक
(कव्ही २ ह्या काव्य फायलीतून )

३७ तू शेतकरी आहेस /श्रीधर तिळवे 

कवी काय नागडे होणार ?

कविता हाच कपडा 

खरेतर फक्त गिरणी कामगारच 

स्वताच्या गिरणीतले कपडे वापरतात एवढच 

कापसाने मिसकॉल दिला का ?

तू शेतकरी आहेस 

तुझी कविता पीकापासून सुरु झाली पाहिजे 

श्रीधर तिळवे -नाईक 

(क . व्ही . २ ह्या  काव्यफायलीतून )

३६ मुक्त गझल /श्रीधर तिळवे 

डोन्ट गो अवे 

आयल मेक अ वे 

बालकवी कधीच मेले 

उडतायत  पारवे 

किसने दिया जलाया 

काळजात पेटले काजवे 

घर कुठेही आढळले नाही 

द व्होल सिटी लुक लाईक गेटवे 

वन नाईट स्टे होता 

रक्तातून निघाले कालवे 

श्रीधर तिळवे -नाईक 

(क . व्ही . २ ह्या काव्यफाईलीतून )

३५ वेग / श्रीधर तिळवे 

निसर्गाने प्राण पुरवला 

विश्वाने उर्जा 

सृष्टीने मटेरीअल दिले 

प्रतिसृष्टीने structure 

आता चिन्ह्सृष्टी घेऊन येतीये 

चिन्हवेग आणि चिन्हगति 

जो फास्ट तो फस्ट 

जो स्लो तो लास्ट 

आता फक्त वेगायचे 

वेगात बसून धावायचे 

वेग देत धावायचे 

वेगायचे 

माझ्यात वेगाचा ब्लास्ट झालाय 

आणि माझे सर्वच तुकडे फक्त वेगतायत 

मृत्यू येईल

 तेव्हाच एकसंध होतील 

तोवर आहेतच 

वेगाची आवेगी निशाचरे 

आणि काळजात तीव्रतेची बिअर !

श्रीधर तिळवे -नाईक 

(क व्ही  २ ह्या  काव्यफाइलीतून )

३४ कविता /श्रीधर तिळवे 

प्रथम मी कविता कागदावर लिहली 

मग मी कागदावर ते लिहले 

ज्याला कविता म्हंटले जाते 

आता मी कवितेत कागद लिहतोय 

तर आख्खी रद्दी चालून येतीये माझ्यावर 

स्पॅमचा ऑप्शन मला अवेलेबल नाही 

आणि रद्दी डीलीट करण्याचा सोफ्टवेअर 

माझ्या laptop वर तयार झालेला नाही 

रद्दी मला गीळतिये 

आणि मी रद्दीच तोंडही न पाहता 

कागद लिहित 

तिच्या गुदद्वारातून बाहेर पडतोय 

एक झाड सर्वत्र उगवतय 

आणि लोकांना माहित नाही 

तो मी लिहलेला कागद आहे 

श्रीधर तिळवे -नाईक 

(क व्ही २ ह्या काव्यफाईलीतून )

३३ मांजर , वाघ आणि माउस /श्रीधर तिळवे 

catastrophe कडून mousastrophe कडे सरकणारा काळ 

मांजर वाघाला बीलोंग करायची 

माउस कुणाला बिलोंग करतो ?

कॅटवॉक अस्थेटिकली strong 

 माउस वॉक करायला कुणाला आवडेल ?

इन्फर्मेशन बोडक्यावर बसली म्हणून 

डोके थोडेच बदलणार आहे ?

पडद्यावर मी मेलो वा जखमी झालो 

तर प्रत्यक्ष मला कुठे इजा होणाराय ? 

मग माझं रक्त का घाबरतंय ह्या mousastrophe ला ?

कि हा माउस मांजराला गिळून 

सिलिकॉन काशीत जाऊन 

माझेही पुण्य कमवेल 

ह्याची मला भीती वाटतीये ?

पडद्यावर मांजर ऐटीने कॅटवॉक करत 

प्रकाशझोत कमावतीये 

आणि माउस मंदगतीने 

कीबोर्ड बडवत 

डिलीटकडे सरकतोय 

माझ्या रक्तात वाघ नाहीसे होतायत 

श्रीधर तिळवे -नाईक 

(क . व्ही . २ ह्या काव्यफाइलीमधून )

३२ मेकअप लावून जगणाऱ्याचा तांडा /श्रीधर तिळवे 

आपण फेमस होणार नाही 

ह्याचे भय बाळगत 

मेकअप लावून जगणाऱ्याचा हा  तांडा

कुठे चाललाय ?

डीसमेम्ब्रिंग करणारा हा स्ट्रगल 

त्यांना नेहमीच भीतीदायक वाटतो का ?

स्वतःचा वारसा इरेज करत 

प्रस्थापितांचा वारसा सोसत 

योग्य त्या वाराची वाट पहात 

ते अभिनयाच्या तलवारीला धार काढतायत 

शरीर वाऱ्यावर घासत 

एक अनसेटल कल्पनाविलास 

अनसिग्नीफिकंट /magnificent  दरम्यान 

दोलायमान होत राहण्याचे पर्मनन्ट प्रपोजल 

स्वतःच्या करिअरचे landscape दिसत नाही 

पण प्रत्येकाच्या खिश्यात 

स्वतःच्या प्रतिभेचा फोटो आहे 

डोळ्यांना  identity दिसत नाही 

पण फेम दिसते 

मोर आणि डायनासॉर 

ह्यांना एकत्र नाचवणारे हे शहर 

माणसाहारी आहे 

हे त्यांना फक्त ऐकून माहित आहे 

आणि माहीती कन्फर्म करायला लागणारा निवांत वेळ 

हे शहर त्यांना देत नाहीये 

ग्लोबल झालेला कोकोकला पीत 

ते  struggle करतायत 

दिवसरात्र

रात्रंदिवस 

काळ त्यांना struggle मध्ये मुरवतोय 

पण त्यालाही माहीत नाही 

ते काय होणार आहेत 

लोणचे कि मुरंबा ?

श्रीधर तिळवे -नाईक 

३१ आणि मला 

समुद्र रक्तात आहे कि स्क्रीनसेवरवर 

जहाजे MANMADE आहेत कि मशीनमेड 

पाणी डाउनलोड होतय कि पीपीटी 

बीपमध्ये सरोवर आहे कि डबक 

मी BACKSPACE दाबतोय 

आणि मला रक्ताच्या उलट्या होतायत 

श्रीधर तिळवे -नाईक 

(क . व्ही . २ ह्या अप्रकाशित काव्यफाईलीतून  )चॅनेल सीरीज 

३० पिझ्झाहंटनंतर /श्रीधर तिळवे 

एका टिश्यूपेपरवर समग्र उष्ट 

पोटात गेलेले पिझ्झाटायगर 

नीट पचतायत बहुतेक 

जठराचा एपिक SLAB 

डाव उजवं नीट चघळतोय 

प्रोटीन्सची SPANISH गीटार 

परफेक्ट तंतुतारा जुळवतीये आतड्यात 

मैदद्य्याचा हिडन डेंजरझोन 

खाजगी निवडीत माझा चेंदामेंदा करतोय 

एक लम्बोदर पाद कधीपासून सभ्यतेत अडकून 

त्याला कळत नाहीये 

आवाज न करता सभ्यतेतून कसं बाहेर पडायचं ?

श्रीधर तिळवे -नाईक 

(क . व्ही . २ ह्या  आगामी कवितासंग्रहातून )

२९ तोंडाला फेस आणण्याऱ्या/देण्याऱ्या  फे . बु . रेगे ह्यांच्या फेसार्थ 

कवितेत कवी जो फेसबुकावर फेस ठेवतो 

असते फेसबुकच पुन्हा त्या फेसात 

जो फेस कवितेत कवी म्हणून उमटतो 

फेसबुकत जे  कवितेत कवी म्हणून  ठेवतो 

असतो कविताच फेस म्हणून त्या फेसबुकात

जो कवी फेसात फेसबुक म्हणून उमटतो 

फे . बु . तिळवे -नाईक 

(क व्ही २ ह्या आगामी कवितासंग्रहातून )

२८

 समतोल /श्रीधर तिळवे 

फेसबुक , आर्कूट ,ट्वीटर आणि मी 

काहीच फरक नाही 

वाचायचे काचायचे टाचायचे 

फेक व्हायचे फेकायचे 

मश्रुमच्या माश्या होतायत म्हणून 

डंख ओरीजनल होणार आहेत का ?

मध रियल होणार आहेत का ?

hackersनी आयुष्य क्लेम केलय 

ही विटम्बना कि कीर्तीमहाल ?

डिजिटल स्फोट मांसल होतायत 

आणि डोळे त्यांना बांधून घेत 

मेंदूला सेल्फ madness मध्ये उडवतायत 

सर्वत्र माझीही आयडी फेक 

ही मडोनाची disorder नाही 

स्पेकट्रमचा कॉम्प्लेक्स ब्रेनbalance आहे 

श्रीधर तिळवे -नाईक 

(आगामी क व्ही २ ह्या    काव्यसंग्रहातून )

२७ 

मिररींग वल्ड /श्रीधर तिळवे 

मला आत जाऊन
स्वतःचा प्रेझेन्स नाहीसा  करायचा आहे
आणि मी आहे कि
ज्ञानवृक्षाच्या contacts मध्ये
माझी मोबिलिटी फळपूर्वक सादर करतो आहे

माझ्या हॉलमध्ये असंख्य रंगीबिरंगी ऑपरेटर्स
त्यांच्या डोळ्यात मी उपस्थित नाही
ते त्यांच्या संगणकावर दृष्टी टोकवत
स्वःताला सादर करण्यात मग्न

कुणी इपेपर वाचतोय
कुणी टोरन्टवरून मुवीज डाउनलोड करतोय

मी माझ्या अमेरिकन मैत्रीशी chat करतोय
तिला दूरवर कधीकाळी होऊन गेलेल्या किंवा काल्पनिक
पण योगसुत्राने अस्तित्वात असलेल्या पतंजलीविषयी
माहिती हवी आहे तिचे प्रश्न माझ्या स्पिरिच्युअल स्मायलीज

मला शेजारच्या मुलीला विचारायचे आहे कि
ती नोकीयावर कोणत गाण आईकतीये
पण ती संगीताने शोषली जातीये
आणि तिला मी दिसत नाहीये

माझ्या समोरच्या टेबलावर फेस टू फेस कोणी बसलाय
त्याचे नाव काय
गेले दोन महिने त्याला मी नाव विचारायचे म्हणतोय
पण स्वारी संगणकात अशी तोंड खुपसून
जसा घोडा हरभऱ्यात

माझा बॉस तर चोवीस तास पोर्नोबाजित घुमणारा
त्याच्या अंगावर कपडे आणि डोळे मात्र नागडे
बुबुळे कायम इलेक्ट्रोनिक रेकोर्डिंग चालू असल्यासारखी

मोबाईल वाजला कि लोक पूर्वी डोकं वर काढायचे
आता तर रिंगटोन ऐकून सोडून देतात लोक
ज्याचा त्याला

डाव्या बाजूचा नेहमीप्रमाणे कॉम्पुटरगेम  खेळण्यात मग्न
त्याचा active फ्लो स्क्रीनवर ठहराव घेऊन

जे मांसल नाही त्याच्याशी संवाद साधत
ज्याची त्याची आगेकूच

मला फक्त डोकी दिसतायत
मेंदू आरसेबाजी करत नेटवर्कमध्ये
बीटबोल्ड गायब

श्रीधर तिळवे -नाईक 

(आगामी क व्ही २ मधून )