३४ कविता /श्रीधर तिळवे 

प्रथम मी कविता कागदावर लिहली 

मग मी कागदावर ते लिहले 

ज्याला कविता म्हंटले जाते 

आता मी कवितेत कागद लिहतोय 

तर आख्खी रद्दी चालून येतीये माझ्यावर 

स्पॅमचा ऑप्शन मला अवेलेबल नाही 

आणि रद्दी डीलीट करण्याचा सोफ्टवेअर 

माझ्या laptop वर तयार झालेला नाही 

रद्दी मला गीळतिये 

आणि मी रद्दीच तोंडही न पाहता 

कागद लिहित 

तिच्या गुदद्वारातून बाहेर पडतोय 

एक झाड सर्वत्र उगवतय 

आणि लोकांना माहित नाही 

तो मी लिहलेला कागद आहे 

श्रीधर तिळवे -नाईक 

(क व्ही २ ह्या काव्यफाईलीतून )