३३ मांजर , वाघ आणि माउस /श्रीधर तिळवे 

catastrophe कडून mousastrophe कडे सरकणारा काळ 

मांजर वाघाला बीलोंग करायची 

माउस कुणाला बिलोंग करतो ?

कॅटवॉक अस्थेटिकली strong 

 माउस वॉक करायला कुणाला आवडेल ?

इन्फर्मेशन बोडक्यावर बसली म्हणून 

डोके थोडेच बदलणार आहे ?

पडद्यावर मी मेलो वा जखमी झालो 

तर प्रत्यक्ष मला कुठे इजा होणाराय ? 

मग माझं रक्त का घाबरतंय ह्या mousastrophe ला ?

कि हा माउस मांजराला गिळून 

सिलिकॉन काशीत जाऊन 

माझेही पुण्य कमवेल 

ह्याची मला भीती वाटतीये ?

पडद्यावर मांजर ऐटीने कॅटवॉक करत 

प्रकाशझोत कमावतीये 

आणि माउस मंदगतीने 

कीबोर्ड बडवत 

डिलीटकडे सरकतोय 

माझ्या रक्तात वाघ नाहीसे होतायत 

श्रीधर तिळवे -नाईक 

(क . व्ही . २ ह्या काव्यफाइलीमधून )